السلام عليكم يابنات والله اني محتاره اتصلو علي الديوان وعرضو علي اكون بديله لمده ترم واختكم عاد داجه مكبره الوساده ثمان سنين يعني المعلومات متبخره بس
والله اني مقلقه زوجي ابي وظيفه طفش بحكم اني ماشوف احد الا اهو واطفالي الله يحفظهم ويوم حصلت والله افرح واوفق بدون تفكير وتقول بكره تجين توقعين والا دورنا غيرك والا من الصبح وانا عند بابهم 
وارصع لكم التوقيع وارجع للبيت ابي انوم مافيه اراجع نفسي واقول وش ذا الغبا الحين عيالي مادري وش اسوي بهم مالي احد في الشرقيه اهو يقول اقدم لك على عامله وفيما تجي اخذ اجازه واجلس معهم بس انا ماني مقتنعه لو كنسلت اكون غلطانه والا الدنيا مغامرات ولازم اجرب انصحوني 
تكفون
ياقمر غيرك يتمنى هالوظيفه ودام زوجك موافق وماعنده مشكله هذا الي فهمته من كلامك توكلي ع الله وروحي وعلى مايقولوا دربك خضر هههههههه
الدنيا تجارب عيشي حياتك شوي حلو شوي تعب ومن ناحيه المعلومات الله بيسرها من عنده
طمنينا عنك
توكلي على الله موفقه
حبيبتي دام زوجك راضى حلو استأجري شغالة لين تجى عاملة خاص لك اللى مقدمينها
وتوظفي دام هاذي رغبتك
وأهـــــــــــــــــم شـــــــئ
استخيري قبل تقررين
الله يكتب لك اللى فيه الخير
توكلي على الله
والله يوفقك ويسهل دربك
توكلي على الله
وماراح تندمي ابد
اعقديها وتوكلي على الله غيرك يتمنى ياقلبي
وعيالك وديهم حضانة لين تجيك شغالة خاصة
استخيري و توكلي على الله
الله يجزاكم خير والله انكم رفعتو من معنويتي الله يكتب الخير لي ولكم وبالنسبه للاحداث اليوم صحيت ولدي ماما عندنا في البيت كسانا يقصد شغاله اهلي والله وانقز من السرير الا وزوجي لف المكاتب وجاب لي شغاله اندنوسيه شكله طيبه بس مشكلته تخاف من المسؤليه والاطفال وتقول ماقدر اخاف امسك الصغار انا اشتغلت مرتين مافيه اطفال وهذا انا احاول فيها ادعو الله يهديها وتجلس وعلى فكره زوجي اخذ رقم اللي كانت عندهم وكلمت راعيه البيت وامدحت فيها بس تقول انها تقول تبيها للطبخ واهي ماتعرف وانها تقول بيتكم مافيه اطفال شوفو التناقض واهي تقول ماابي صغار اطلع من حفر واطيح في دحديره
انصحك تصلي صلاة الاستخارة
