السلام عليكم ورحمة الله وبركاته
اخواني اخواتي
انا عندي مشكله :
عندي ضيق في عنق المثانه
الاعراض كانت مستمره معي من 2 الى 3 سنوات
كنت اتردد للحمام كثيراً
سويت تحاليل دم وبول وقالو سليم
وسوو لي اضن اشاعه فوق صوتيه
وقالو تمام
سويت ديناماكية البول << تبول على جهاز
وقالو فيه مشكله لان النتيجه طلعت 8 من 20
رحت لمشفى خاص سوى لي الدينامكيه وعادها لي لانه كان شاك اني ماكنت حشران مره
وطلعت النتيجه 10 من 20
وسوى لي الدكتور في المشفى الخاص تحليل مني
وقال مافيه اي التهاب يعني تمام
وفي الاخر بعد التحاليل والكلام ذا كله
قالي الدكتور اني معي ضيق في عنق المثانه
وانه نوعاً ما تستوجب عمليه بس ماتصلح لسني لاني صغير >> عمري19
ويقول العمليه تأثر على الانجاب اذا كبرت
وقالي نبغا نستهلك جانب العلاج … وعطاني علاج واستمريت معه 10 ايام
وجتني ضروف وسافرت لمده وبعدت عن دكتوري الخاص اللي اراجع عنده
يعني انقطعت صرت ما اراجع اي مستشفى .. مع اني الى الان اتردد الى الحمام <<لانه اعتقد اني بولي ماينزل كله يبقى في المثانه قليل منه
……………………..
………………….
………………….
هذي قصتي
واسألتي
1/ هل مشكلتي تعتبر خطره وتهدد حياتي وصحتي؟
2/انا انسان موسوس قريت مره انه المشكله ذي تفشل الكلى وصرت دائم افكر واخاف انه تسبب لي فشل كلوي اعاذنا الله واياكم منه
2/انا انسان موسوس قريت مره انه المشكله ذي تفشل الكلى وصرت دائم افكر واخاف انه تسبب لي فشل كلوي اعاذنا الله واياكم منه
3/العلاج الامثل لهذي المشكله ايش
4/ وهل في علاج عشبي لمشكلتي هذي
اخيراً : اتمنى من الدكتور جابر القحطاني يرى مشكلتي وبأيش ينصحني
والله يجعله من اهل الجنه يارب
<< واي واحد يبي يضيف معلومه من عنده ترا مسموح بس تكون حقيقه
والله يوفق ويشفى ويطول بعمر كل من مر هنا
ولكم جزيل الشكر والعرفان
نادر المطيري * المملكه العربيه السعوديه *
