واتمنى تعجبكم
( قُل إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ
بِمَا كُنْتُمْ تَعْمَلُونَ )
دايم نسمع عن ط§ظ„ظ…ظˆطھ وموت الفجاءة .. بس ما نتدبر في ها الشى ..
بيجي يوم و بـ نموت وش تكون نهايتنا سوء ولا حسن
اللهم إني أسالك حسن الخاتمة.gif)
عمرك فكرت بيوم انه بيجي ملك الموت ويأخذك ..
تخيل معي تصحي من نومك وتشبك عالنت كالعادة وأنت جالس فجاء كذا يوقف قلبك ..
يتجمع اهلك يشلونك تسمع أمك تصيح وإخوانك وكل أحبابك . ناس تعرفهم وناس ما تعرفهم ..
تفكر أنا وش سويت لـ أخرتي ..
– حملت فلم وشوفته ونمت عليه بدون ما أصلي الوتر
– سمعت أغاني طول الليل ولا أتحركت
– العصر تجمعنا مع البنات وما خلينا احد ما حشنا فيه
– أمي ما أجلس معها إلا أوقات الأكل ..
وو معاصي الله يتوب علينا
وقتها بتفرح ولا يتحزن .. ربي غفور رحيم ويغفر طيب بس خلاص توقف قلبي
خلاص أنا مييييت
الموت اخذ حبايبنا و أهلنا وحزنا عليهم .. وجلسنا فترة طويلة لين استوعبنا
أنهم خلاص ما عاد راح يرجعون
فكرت بـ حالك بالقبر لمن يسالك ربي ومع كذا إذا احد أتوفى نحزن عليه
ولا نحزن على أنفسنا اللي اتوفى خلاص عرف مكانه وين
و ارتاح بـ إذن الله
راح آبدا بـ قصص من وقعنا عن موت الفجاءة , كأثر هـ الأيام
(1)
أختي كان عندها اختبار ومتفقه مع وحده من صديقاتها أنها تكلمها الصباح تأخذ
منها كم سؤال الساعة 6 الصباح قامت من النوم عشان تكلم البنت
أختي : الو
…: صاحبة الجوال أتوفت ادعي لها بالرحمة
أختي منهارة وتصيح : متى
….: اليوم على أذان الفجر لقينها متوفيه وهي نايمة
بعد فتره سألنا عنها قالوا إنها ما كان فيه شي ذاكرت ونامت ولقيت نفسها بـ اختبار اكبر
من اختبار الدنيا .. الله يرحمها .
(2)
عيال عم واحد منهم ناوي يتزوج أتأجل زواجه كثير و للمرة الثانية راحوا يشترون فواكه وخضروات لزاوجه يسولف مع ولد عمه في السيارة ويضحكون ومبسوطين
نزل ولد عم العريس من السيارة وترك العريس بالسيارة رجع لقي العريس متوفى بالسيارة
ما بقي شي على زواجه وربي أخذه عسى ربي يرزقه بالحور العين
حسن الخاتمة وفيه كثييير قصص عنها عساني اموت مثلها
(3)
قبل يومين أمي كانت تسولف عن وحده كانت معهم تحفظ
تقول جارتها قعدت تنتظر صلاه الفجر في الليل .. على سجادتها
وهي تنتظر سبحان الله ربي اخذ روحها
وتوفت جاء عيالها لقوها على السجادة متوفيه الله يرحمها و يا رب كلنا نموت مثلها ..
سوء الخاتمة الله يجرنا منهم نسمع ناس كثير كانوا متدين و فجاءه كذا انتكس حالهم
و أتوفوا على سوء
وناس عكس كانوا على سوء وربي هديهم و أتوفوا على حسن
هذي قصه قديمه
أصحاب اثنين واحد منهم دايم يسكر وراعي بنات
الثاني متدين ودايم بالمسجد يصلي ويسنن ويقرا قران
يوم اتفقوا أنهم كل واحد يتبادل بحياته المطوع يروح يسكر والسكران يروح المسجد يوتر
السكران راح المسجد والمطوع راح يسكر وهما راجعين بالليل صار لهم حادث و أتوفوا
السكران أتوفى على طاعة الله .. والمطوع على معصية
..
(4)
وحده كانت تتدَرس كبار السن بـ تحفيظ جنبنا من أول ما فتحت عيني وهي على ها الحال
أخذت أجازه فتره وسافرت رجعت وحده ثانيه .. مريضة كثير .. وأخر شي رمت نفسها وسط خزان مويه و أتوفت .. يعني انتحار والسبب مجهول للي يقول أمراض نفسيه وللي يقول عين أو سحر ..
اقتباس:
لما نزل الموت بالعابد الزاهد عبد الله بن إدريس اشتد عليه الكرب فلما اخذ يشهق بكت ابنته
فقال : يا بنيتي لا تبكي فقد ختمت القرآن في هذا البيت أربعة آلاف ختمة .. كلها لأجل هذا المصرع ..
زبده الموضوع .. أنت وش سويت لـ اخرتك مستعد لها
هالفديو مباشر لواحد اتوفئ وهو ساجد هنا
سبحان الله وبحمده عدد خلقه ورضا نفسه وزنة عرشه ومداد كلماته
اللهم ارحم المؤمنين والمؤمنات والمسلمين والمسلمات الإحياء منهم والأموات
لا تنسوا التقيييييييييييم
الله يرحم موتنا وموتـى المسلمينن ياررب ,,,
جزاك اللهـ خـير ولاحرممك الاججر ياارب }{
