لاتحسبين العرس توفـي وكتكـات,, ولا تحسبينـه توكـس وإلا بونتـي..
ولا تحسبين العرس كيكه وطرطات,, وصلـه قطعتيهـا ووصلـه بلعـتي..
ولاتحسبين العرس تصفيق وأصوات ,,وأنتي على صوت الغطاريف همتي..
ولاتحسبين العرس كوشه ولمبـات,, وأنتي كما الطاووس فيهـا جلسـتي..
ولاتحسبين العرس أحلام في الشات,, يامـا بنيتيـهـا ويـامـا هدمـتـي..
ولا تحسبين العرس روحه وجيـات,, هيا اقضبي بيتك عسـى مانهبلتـي..
ليله سعيده وأنتي أحلى الجميـلات,, تشخص عيون الناس إذا حضـرتي..
(واللاينر) حطيـه بـلا زيــادات,, لا يخـرب المكيـاج إذا دمـعـتي..
(والمسكره) تحتاج لطف ومـدارات,, حتـى يبـان أزين إذا غمضتـي..
(والاسبريه ) رشيه حتى البصيـلات,, يمسك شعرك زين ولـو كـان زدتي..
وترى(المحدد) فن يحتـاج رسمـات,, يبـان رسمـه زيـن إذا ابتسمـتي..
العـرس يابنت ماهـو شعـارات,, تفنـى مراسيمـه وتبقيـن أنتي..
ويبقى شريك العمر راعي الطويلات,, هذا هو العرس الحقيقـي عرفتـي..
أول نصيحه لك حفـظ الصلـوات ,,صلي العشا والفجر في كل وقـتي..
وفي ليلة العرس الموفق وبالـذات,, ادعـي الكـريـم الله إذا سـجـدتي..
والتعري لاترضين عند الكوفيـرات,, ولبسـك يملـي العيـن إذا لبسـتي..
واللي على زوجك تحرضك مرات,, أرجوك شوتيهـا شوتـت بلنتـي..
والصبر في العشره حتى على فتات,, ياماحـلا فعلتـك يومـك صبـرتي..
وإذا حفظت السر مـع المـدارات,, زوجك ترى في عيونه أنتي كبـرتي..
والسوق يعني هاه وقت الضرورات.. وإلاتـرى زوجـك يـدور لمفتـي..
زيدي الغطايه وكثري في العبايـات؟؟ والله يرضـى عنـك إذا سـتـرتي..
أوصيك بالكبسـه وكثـر اليدامـات.. حتى لوانـك مـن سببهـا متنتي..
وخلي الرجيم اللي فشلتي فيه مرات ..سويـه مـرةً واحـدة لا ولــدتي..
أوراق شاعر يرسل أزكى التحيـات,, خصيـه بالـدعـوة إذا دعـوتـي..
مما راق لي…….
صح لسانك يالغلا<<داام بوحك
مشكوره
يسلمووووووووو
روووعه الكلمات
يعطيك العافيه دمتتي بوود ..
يسلمووووووووو شكرا
مكرر الموضوع
لتاريخ ويوم 03-25-2016, 01:00 pm
يعطيك الف عافيه ‘’~
