مرحبا ….
الله الله بالردود بيضوا وجهي عند بنات المدن الثانيه عشان يشوفون التفاعل…ههههه
بليز يابنات الرياض سويت هالموضوع وانا متأكده انكم بتعطوني وجه وماراح تخيبون ظني فيكم..اتفقنا..
تسلمن والله هذا العشم فيكم يامرحبا..
طيب لايكثر…
المهم…….
أنا متملكه وجديده بالرياض ولا اعرف كوعي من بوعي ..مالي فيها الا كم شهر …
والرياض كبيره وانا ساكنه جنب جامعة الامير نايف المهم
اعطوني اسواق اقدر اتقضى منها لزواجي اسعارها حلوه وما اتعب من كثر الفرفره وماركات مخفضه وين ؟؟؟
لاتقولون لي روحي الدخل ومدري مين هذا بعيد عني عندكم العليا والروضه وغرناطه ومن هالاحياء وش فيها اسواق اقدر اتقضى منها وزينه تكون وفيها الاشياء اللي بحتاجها في مقاضي الدبش بليز لاتتأخروون علي المهر خلص وانا ماشتريت شي هههههه….
واللي بترد والله لادعيلها انا حلفت ..
واللي مب راده بدعي عليها
لا تصدقوني
امزح اللي مب راده عذرها معها ..
تقبلو مروري …
بما انك بحي النضيم او الندوه او حتى الجنادريه " مسويه خبره " عندك غرناطه موول اشهر من نار ع علم بحي غرناطه اتوقع لكن غالي و فيه خريص بلازا ع طريق خريص فيه شغلات حلوه وسعره ما به شيء مناسب و عندك العثيم مول الربوه او اختصري و اطلعي ع صحاري تقريباً متكامل .
أن شاء الله اكون افدتك
تسلمين يالغاليه ..
الله يسعدك ويوفقك ويرزقك من حيث لاتحتسبين..الرزق الطيب الحلال قولي امين…
وياك يا رب اللهم أمين
جزاك الله كل خير و الله يوفقك ويهنيك يا رب