السلام عليكم
عمري 21 سنه. ادرس في الجامعة
قبل سنه، كنت سنه 4 وفي تلك الفترة جدي اتوفي. الله يتقبلو . كنت محجبه ومواظبة على صلاتي الحمدلله.
عملت استخارة انو في اخ اتقدم لي، الاخ ما كان ملتزم كان عادي ذي كل الشباب. وحلمت انو انا في بيت خالتي و كان العقد بتاعي. لي الشخص نفسه. وكان العقد قبل صلاة الفجر فالناس كلها بقت تبارك وهو لمن جاني عرفتو انو دا هو نفس الشخص لكن ما شفت وجهو. فلمن سمعت الاذان لصلاة الصبح. قلت امشي اصلي في مسجد قريب من المنزل. وانا كل ما امشي في اشخاص بسلم علي . وحتى لمن دخلت المسجد. كل مرة بكبر في شخص بقطع لي الصلاة ويسلم. يبارك لي.
بعديها فجاءة لقيت نفسي خارج المسجد. وكل ما أحاول اصلي في شخص او شئ بقطعا لي. في نهاية الحلم. كنت في شاحنه و الشمس كانت طلعت. فقلت خلاص. الحمدلله أخيراً اقوم اصلي الصبح. قلت الله اكبر فجاءة في حيوانات بدت تركض قدامي واتخلعت فقطعت الصلاة قبل ما اتم الركعه الاولة. طوالي صحيت. في النهاية ما ظ‚ط¯ط±طھ اصلي.
ورفضت الشخص في النهايه..
الحمدلله بعد ما رفضت ذلك الشخص. التزمت واتنقبت الحمدلله.
قبل شهر تقريباً في شخص تاني اتقدم ماشاءالله ملتزم بس ما متفقه في الدين لسه وبدو وحده تساعدو وتشجعو في المستقبل. بستخير ما حصل أي شي. قبل كم يوم حلمت نفس الطريقة الحلم الاول. بس هنا نحن راكبين في سيارة وماشين مشوار الله أعلم وين. وكان زمن الصلاة الظهر جا. فلمن قررنا نصلي. قالو ﻻنو الصلاة طويلة فنصلي في السيارة. و فجاءة الصلاة كان جهراً.
بدينا الركعه الاولة وقرو كتير ما بتذكر اي سورة قروها.. تمينا الركعه. سلمو. وفجاءة طلع نحن كنا واقفين قدام بيت زميلة اختي واصحابها كلهم هناك وبجو يسلمو علينا وانا اصلا وﻻ مرة مشيت منزلهم وﻻ بعرف شكلو. الناس المعاي في العربيه قالو خلاص نتم الباقي بعد ما نصل نص الطريق. وبطريقة ما طلع ممكن نقسم الصلاة لي ركعات منفردة. وبعد فترة قصيرة السيارة بدت تسرع ومتحركة للخلف بسرعه و زميلتي كانت خارج السيارة وبدت تجري ورا السيارة عشان تلحق بينا. وقبل ما السيارة تتحرك انا كنت بديت اصلي ﻻني خفت انو زمن ط§ظ„طµظ„ط§ظ‡ يروح على. الصلاة قطعتها لمن السيارة بدت تسرع و ما قدرت اصلي. وصحيت.
كنت نايمه على طهارة بعد صلاة الصبح.
هل الحلم ليهو علاقه بالاستخارة وﻻ! وشو تفسيرو !
جزاكم الله الجنان
جزاكم الله خير
الله يجزيك كل خير
