مجمع ط¹ظٹط§ط¯ط§طھ ظ…ط³طھط´ظپظ‰ نجد ط§ظ„ط§ط³طھط´ط§ط±ظٹ مدينة الرياض 4970881
يــ ع ـطيكـ الــ ع ـآفيهـ على مآطرحتي لنآ يـآلــ غ ـلآ ,, ولاتـ ح ـرمينا من جديدكـ
الله يعطيكـ العافيهـ
يسلمو
مستشفى نجد الاستشارى بالرياض "المواساه سابقا"
الرياض حى الربوة الدائرى الشرقى
014455555
هى السوء الادارى بعينه وعدم الالتزام بالعقود
قلة الأدب متمثلة فى أعلى درجاتها
قمة الروتين والبيروقراطية
الغطرسه المفرطة والكبر من المدير المدعو
أبو تركى يحيى القحطانى
والدكتورة الفاضلة مديرة المستشفى فوزيه جارالله لا تقابل أحدا من الرعاع _الأطباء و من دونهم _حتى ولو ظللت اسبوعا واقف على بابها
المورد الرئيسى للتوظيف من مصر هو" شركة المواساة " و الاخ سيد المسئول فيه وطبعا بيغريك وبياكل عقلك بالمرتب اللى ممكن يكون اعلى الف ولا اتنين من الاماكن التانيه بس أوعدك انك هتكره البلد وتكره نفسك لو جيت هنا 🙂
لو ناوى تجيب أهلك معاك …متفكرش قبل 6 شهور ده لو عرفت تجيبهم ,قوللى ليه؟… الموضوع معقد شويه بس اشرحلك
القاعده الذهبية فى المستشفى هى منع النفقات تماما حتى لو كانت النفقات دى هتدخلهم فلوس
عشان تعمل استقدام لأهلك لازم تطلع الاقامة الأول ,وطبعا دى بيدفعلها فلوس ,وتذكر هنا القاعد الذهبية مفيش توريد… واصبر علينا وانت مستعجل ليه؟؟… انت لسه توك جيت….. -ده لو بقالك 3 شهور_ يعنى 🙂
تانى حاجه قسم الموارد البشرية بتاعهم من العصر الحجرى ينيمك ومفيش حاجه بتخلص ده بفرض ان الماليات تم عملها
خلال الرحلة دى طبعا ربنا يستر وورقك وشهاداتك اللى بتسلمهولهم او حتى جوازك ميضيعش لأن ده عادى جدا هنا …جوازات بتضيع …اقامات …وهكذا
الورق طبعا فى المصالح الحكوميه عشان يخلص بسرعه محتاج شوية علاقات وهدايا بيبعتوها هنا للموظفين فى المناسبات وطبعا فى مستشفى نجد انسى انهم يدفعوا هلله واحده فى الكلام الفارغ ده
بعض الموظفين فى المستشفى انتهى عقده -سنتين – ولم تصدر له الاقامة حتى الأن هههههه
اما عن الأطباء فهم أحسن حالا فمثلا فيه دكتور تخدير قعد سبع شهور بس عبل ما الاقامة ما طلعتله والحمد لله
ده غير ان التراخيص زى كل حاجه عندهم حللنى عبل ما تطلع وانت بقه لو جراح -لا قدر الله- وحصل اى مشكلة فى عيان تبقى ضمنت السجن يا ريس لأن ألف باء فى المحاكمات ترخيصك فين يا ريس وسارى ولا لأ؟؟
بالنسبة للشروط اللى انتا فرحان بيها فى العقد بقه ,السكن المؤثث والذى منه متدورش…….
عايز تاخد بدل سكن ميجيبش عشه فى الرياض من غير تأثيث طبعا !! أهلا وسهلا بيك
مش عايز خليك بقه فى السكن العزابى المعفن اللى هيدهولك مع واحد او اتنين غيرك
ولو مش عاجبك وقلتلهم العقد بنوده كذا وكذا ….بله واشرب ميته يا ريس
طبعا هيتقالك قبل ما تيجى السكن ممتاز ………………………… …. تعالى وشوف بنفسك !!
السكن بشهادة الناس اللى شغالة هنا بقاله اكتر من عشر سنين والمفروض العفش اللى فيه اتهلك ويتكهن
طبعا هما عندهم سكن جديد بجوار المستشفى بس…..
التأثيث طبعا بيكلف وهما ليه يأثثوا لما ممكن العبد اللى جايبينه فى السخرة عندهم ياخد قرشين ويسكت
احد استشاريى القلب خد القرشين وحط عليهم زيهم عشان ياخد حاجه محترمه
اما عن قلة الأدب ححكيلكم عن مواقف لسه طازه :
رمضان بقه وانتوا طيبيييين فى ظل الأدارة اللى فاتت كان فيه وجبات فطار للأطباء والعمال العاملين بالمستشفى وقت المغرب
دلوقتى طبعا اتمنعت وكل واحد يجيب اكله معاااااااه
كولديرات المياه اللى كانت فى المستشفى تم سحبها عشان مش كل يوم يغيروا ميه ب 5 ,6 ريال
البلاطى كانت بتتغسل فى المستشفى وطبعا المسحوق بيكلف
,طلعت تعليمات بمنع غسيل البلاطى فى مغسلة المستشفى
وبعد الخناق اتكسفوا على دمهم ورجعوها تانى ,, ناس ديموقراطيه صراحة
اجمد حاجه بقه استشارية باطنة اتعاقدت معاهم وادوها سكن منفرد
تمام؟؟
جم بقه عايزين يسكنوا معاها حد تانى رفضت ,من حقها استاذة باطنة فوق الخمسين سنه
وعينك ما تشوف الا النور ……..
انهوا عقدها …حاولوا يطردوها من السكن طبعا رفضت انها تخرج منه قبل ما يخلصولها اجراءات الخروج النهائى …
وطبعا …..قطعوا عن شقتها الكهرباء ……وفى جو الرياض متقدرش تعيش ولا تاكل ولا تشرب من غير تكييف وتلاجه يعنى اقل حاجه
اضطرت المسكينه للخروج مجبره وحتى تاريخه بيماطلوا فيها مش عايزين يخلصولها ورقها
طبعا ده عينات من اللى ممكن تشوفه منهم
وحسبنا الله ونعم الوكيل
