للمعلومية وللامانة الموضوع منقول بس واااايد عجبني واستفدت منه فحبيت افيدكم بعد اتمنى من اي وحدة تستفيد او تقرا تدعيلي اولد بالسلامة ويطلع البيبي حقي سليم صحي معافي….امييين
أولا الله يقوم كل حامل بالسلامه…
وثانيا بوريكم الأشياء المهمه من وجهة نظري لتجهيزات النونو والي عندها زياده تزيد…
السرير
وممكن تأخرينه شهرين أو ثلاثه حسب مقدرتج لأن ممكن تستعيضين عنه بالسله أو سرير( منز ) صغير.
سلة مع الستاند
بجامات كامله ( أحسن من القطعتين )
أذرب للنونو وأسهل بالشيل خصوصا للأم الجديده
ملابس مرتبه للطلعه وللضيوف
ملابس داخليه
من الي يتسكرون من تحت لاتاخذون القطعتين بيطيحون بجبودكم
مهادات
يبيلج سته على الأقل اذا ناويه تمهدينه
وهذا المهاد المودرن
فوط كبار وصغار
الصغار بتحتاجينهم وايد كثري منهم
كرسي للسياره
اختاري النوع الي يصلح للرضع والي ممكن يتعدل لما النونو يكبر
عربه النونو
مثل كرسي السياره اختاري نوعيه للرضع وتتعدل لما يكبر
طاوله لأغراض النونو وتبديل ملابسه
هذي الله يسلمج تصفين عليها علب الحليب والحفاضات والكريمات وما شابه
شنطة الحفاضات
يبي لج وحده صغيره ووحده كبيره تستعملينها حسب الطلعه
سليبنج باج
أدفى للنوم
مراضع
قد ماتسمح ميزانيتج كثري عشان تغلينهم مره وحده وتستعملينهم وحده وحده بالليل وماتحاتين تبين تغسلينهم لأنهم خلصو.
فرشاة غسيل المراضع
هذي كل أسبوعين أو شهر بالكثير بدليها
شنطة حفظ المراضع
تخلي المرضعه دافيه
جهاز تدفئة المراضع
في نوع للسياره ونوع للبيت
حلمات المراضع
غيريها كل فتره خصوصا لمايسنن
شفاطة الحليب
بانيو النونو
[size="4"][color="Magenta"]
نواصل
معقمة المراضع
هذي أستغني عن أي شي ولا أستغني عنها
سلال مخصوصه لحفاضات النونو
هذي مفيده انها تحبس الحفاضه بريحتها بطريقه محكمه ليما تفرغينها .
جواتي عنونات
علبة تجهيز الحليب البودره
هذي مفيده للطلعه مايحتاج تودين كل علبة الحليب تجهزين شوي على قد الرضعه
قبعات وقفازات
مناديل تنظيف
بطانيات خفيفه وثقيله
الخفيفه بتحتاجين أكثر من وحده
أرواب لبعد الحمام
خزانه
لهدوم النونو وأغراضه بتتفاجئين ان هالكائن الصغير عنده هالكثر أغراض
سلة تنحمل بالايد للطلعه بالنونو
مريله
موتقولون للحين ماياكل مانحتاج لها. النونو مايقدر يحكم شفايفه على المرضاعه ويبلل هدومه بالحليب فتصوفر المريلخ تحمي هدومه.
سرير هزاز صغير
مناسب للأربع شهور الأولى والي غرف نومهم صغيره
مشط ومقص للأظافر وبمب تنظيف الأنف
ممكن يجون طقم
كرسي سبوح النونو
مثالي للأمهات الجديدت
مفرش للسرير
يبيلج اثنين على الأقل واحد ينغسل وواحد على السرير
شامبو
آنه أستخدم الشيكو أحس أحسن من الجونسون
بودره
زيت الأطفال
لوشن للأطفال
الألعاب الدواره
كريم للالتهابات
صابون سائل
أحسن من الصابون العادي تعالي فركي………أف
حفاضات
أصغر سايز طبعا
ميزان لحرارة الغرفه
حباسه
صدقيني بتحتاجينها من يكبر شوي
اللعبه الي عالأرض
من يخلص الأربعين بيكون تركيزه أحسن وبيحتاج لها
مونيتر الصوت
عشان من يتحرك تسمعينه
يتبع
نتابع
كرسي مايل
يكون النونو فيه كأنه نايم فمايعور ظهره
ميزان الحراره
بدله مشبوكه كامله ثقيله
هذي ضروريه للشتاء تنلبس فوق الهدوم
شنطة الاسعافات الأوليه
ان شاء الله محد يحتاجها
المصاصه الي ينحط فيها الدوى
خشاخيش و ألعاب ناعمه
حبوب تعقيم
للمراضع الي ماتتحمل الحراره والألعاب الي تبين تعقمينهم حطيهم بالماي ونقعي المراضع فيهم.
مصاصات
تلبيسة المرضاعه
تدرون ليش هذي مهمه؟ لأن العين حق لاتخلين أحد يشوف ولدج شكثر شرب حليب
جوارب ( دلاغات )
اتمنى ان تنال اعجابكم
منقوول
مشاء الله عليج صج علمتيني اشياء عن الاطفال ماكنت عرفه لاني توني ام جديده ومعرف شي
وللحين ماولدت الله يعطيج العافيه
وربي استفدت الله يسعدك ويوفقك يارب
ننتظر جديدك
يعطيك العافيه حلوه مررره
روووووووووووعه
الله يعطيكم الف عافيه على المرور
ماشاء الله عليك مانسيتي شئ الله يعطيك العافيه
مشكوره وان شاء الله الله يرزقني بطفل واشريله الاغراض هاذي0000 امين يارب
