شوفي عيوني
** ممكن اذا عندك اشجار بالبيت ونباتات شيليها واغسليها تحت الدوش لين تنظف من الغبار
بعدين نفضيها كويس
وخذي من النايلون تبع الملابس الي تيجي من المغسلة او اي نايلون مثل سفر الطعام وغلفي الانباتات فيها بحيث تكون سهلة الفك بسرعة اذا جاكي ضيوف
** الكنبات الي بمجلس الضيوف نفضيها كويسس من الغبرة وارمي عليها شراشف قديمة عندك او نايلون
** كمان الطاولات نفس الطريقة
** خلي عندك مبخر كهربائي اصلي عشان يدوم وحطيه بالفيش _ وقفلي الكباس تبع الفيش طبعا_ بغرفة الضيوف وبس شغليه اذا عزتيه بسرعة ممتااااااز
** الثريات والابجورات رشي عليها عطر وهي مقفلة ولمن يجيكي ضيوف وتشغليها راح تفوح ريحة العطر بالغرفة _ اه ياسلام _
** دائما خلي بيالات الضيوف والفناجين والاكواب والبراريد ومفارش الصحون وكل مايخص الضيافة جاهزة دائما لاي ضيف مفاجئ وبدولاب لحالها يكون افضل
** انا ما بحب المواعين المشكلة واحب طقم السفرة يكون شكل واحد ,, اذا عندك صحون مشكلة شيليها برف واحد وخليها للخرجات اذا بتحطي فيها حاجه وانتي رايحة لاحد مثلا اوزايره صاحباتك ,, اذا ضاع او انكسر ما تتحسفي عليه
** صحون الحلى الجاهزة كمان لاترميها واستفيدي منها بدل ماتشتري
** البرطمانات كمان بس حذااااار من الدش الي ماهو صاحي
بس بالقدر الي تعرفي انو يكفيك والله يستر على الباقي
** اكياس المقاضي ياكثرها … حطي عندك بالمطبخ مجموعة تستخدميها برمي مخلفات المجلى لمن تشتغلي اول باول حتى ماتتراكم الزبايل بالمجلى وتحوسي فيها …
ياربيييييييه
** اكياس الزبايل الصغيرة حطيلك مجموعة اسفل السلة وبعدها حطي الكيس .. اسهل عليك من لمن تروحي تجيبي كيس من المطبخ او المخزن كل مرة
بس ما انصح بهالطريقة مع الزباله الكبيرة لانو ممكن تسرب عليك وتنعدم كل الاكياس الي تحتها .. زين
** الكوي نصيحة لاتراكميه ابدا مهما كنتي تعبانه , وحاولي لمن تغسلي غسيلك تنشري الملابس كويس وترتبيها على المنشار زين عشان اذا نشفت تكون شبه مكويه وماتتعبك بالكوي
واذا عندك نشافه حراريه فيازينها زيناه مايحتاج كوي لاغلب الملابس بشرط ترتبيها بسرعة وهي حارة
القنبلة
*******
مفارش الاسرة بتعب كثير وقت الغسيل والكل تقريبا بيغسلها بالمغسلة صح
فيه طريقة حلوة بالحيل وتوفر عليك الغسيل بالمغاسل وبتعطيك مفارش جديده كمان بسعر مجننننون
الطريقة هي انك تاخذي شراشف عادية مقاس كنج او المفردة اذا لاولادك المهم تاخذي 2 بالاوان الي تحبيها وتناسب غرفتك
بعد كذا خيطيها من الجوانب الثلاثة بس وخلي الجهة الرابعة مفتوحة
زي كيس المخده اكيد واضح الشرح
من الطرف المفتوح اعملي ازرار كبيرة تتقفل بيها الكيس تبع المفرش
خذي المفرش القديم الي عندك ( طبعا يكون نظيف ) ودخليه بالكيس الي عملتيه وسكري الازرار تبعو
ممكن تبدعي بالمفرش الجديد وتضيفي عليه كرانيش وفيونكات واشياء كثير انتي وذوقك
بس ,,, ووقت التنظيف بس اسحبي الكيس الي عملتيه واغسليه
***************
***************
***************
امنى اكون افدتكم واذا فيه شي بتذكرو بحطو لعيونكم
اتمنى لكم حياه سعيدة