—–
بسم الله نبدا ..
كلنا نبي بشرات تشع صحه و نظاره ..
و اليوم بإذن الله راح اتكلم عن اشياء بسيطه
تخلي بشرتك حلوه و صافيه ..
و راح اتكلم بالتحديد عن مشكلة حب الشباب ..
و البشره المختلطه و العاديه و الدهنيه و الجافه ..
انا بشرتي مختلطه (عاديه + دهنيه) ..
لكني ايضا بتكلم عن الجافه بحيث ان اختي بشرتها جافه
و راح اقولكم تجاربي عليها ..
ابدا بمشكلة ملازمه اغلب المراهقات .. و الشابات ..
حب الشباب
حبيباتي .. انا احب الطبيعي .. لكن ما يمنعني اني اجرب الكيميائي ..
طبعا اجربه اذا ما كان عليه خوف بإذن الله ..
و اللي بقول عليه يصلح لجميع البشرات ..
كريمين .. نصحت فيه كثييير كثيييير .. والحمدلله كانت اغلب النتايج مبشره بالخير ..
و طبعا هالكريمين مجربين مني شخصيا .. و جربتهم على اختي اللي بشرتها جافه ..
اكيد تعرفونهم وهم ..
كريم سكينورين .. سعره 33 ريال تقريبا ..
كريم اكريتين 25% .. 17 ريال تقريبا ..
سكينورين له شكل ثاني .. لكنه نفس الشي ..
الفرق فقط بإختلاف العلبه ..
طريقة الاستعمال:
تخلطين الكريمين مع بعض .. سواء في علبه .. او بيدك ..
تحطينهم مره وحده فقط .. قبل النوم ضروري .. عشان ما يكون فيه اشعة شمس ..
ملاحظه/ هذي الكريمات لا تصلح للحامل ..
عزيزتي ..
بشرتك خلال هالفتره بتحسين فيها حراره بسيطه .. او حكه ..
لا تخافين بتكون اول الايام ثم خلاص بإذن الله ..
خلال هالفتره لو حبيتي ترطبين بشرتك ..
انا انصح و بشددده كريم بانثينول .. سعره 5 ريال ..
ملاحظه/ هو يختلف تماما عن بانثينول الحروق .. لا احد يخربط ..
علبته الجديده ..
علبته القديمه ..
نصحني فيه دكتوري الجلديه .. فمن مميزاته:
انه كريم مرطب .. يعالج مشاكل البشره ..
1) يصفي البشره
2) يشيل الحبوب و اثارها
3) يشيل الخطوط البيضه في الجسم مع الاستمرار
4) يبيض مع الاستمرار
5) يعطي نظاره للبشره و حيويه
6) ينفع لجميع المناطق حتى المناطق الحساسه
ولو استخدمتيه 5 مرات باليوم عادي ..
غاليتي .. عشان اكون صريحه معك ..
نااااااااااااااادر من البشرات ما تتقبلها سكينورين ..
بس قلت لك نااااااااااااادر ..
فإذا ما ناسبك الكريم وقفيه وحطي كريم فيسودين ..
للالتهابات و الحساسيه ..
للعلم/ اني جربت سكينورين على حبوب الوجه – الفخذ – المؤخره – الارداف – الظهر ..
و كانت النتيجه مذهله ولله الحمد ..
خالتي ماعجبها سكينورين .. و اخذت اكريتين قوة 50% ..
و صارت تحط على الحبه نفسها خلال يومين تقول مختفيه ..
للعلم اني ما جربته ..
———
النتايج :
مدة استخدامه:
الى ان تختفي الحبوب
كيفية استخدامه:
اخلطي الكريمن بعلبه او بيدك ثم ضعيها على بشرتك قبل النوم فقط ..
النتيجه:
ظهري: اختفت الحبوب 99%
بشرتي: اختفت الحبوب 99%
فخوذي: اختفت الحبوب 100%
اردافي: اختفت الحبوب 95% << خلص الكريم ولا شريت
مؤخرتي: 97% << خلص الكريم ولا شريت
مدة النتيجه:
شفت التحسن من اول اسبوع ..
و لقيت نتيجه حلوه خلال اسبوعين تقريبا ..
— يــتــبــع —
البشره العاديه و الدهنيه و المختلطه ..
انا بشرتي عاديه .. لكنها دهنيه في التي زون ..
و اقصد في التي زون اللي هي منطقه الجبهه و الانف ..
لكن اللي جربته ينفع للبشره العاديه و الدهنيه و المختلطه ..
بالنسبه للي ماعندهم حب شباب .. لكن عندهم كم حبه و اثر من حبوب الدوره ..
فاستعملوا طريقتي جدا سهله و خلال يومين او بالكثير ثلاث تروح الحبوب ..
طبعا الصابونه اللي احبها مررره .. هي صابونة الكركم ..
للعلم اني ما استخدمها الا اذا طلعت لي حبه ..
ولو استخدمتها كل يوم كان بإذن الله ما الاقي ولا حبه طالعه ..
استخدمها مره وحده فالصباح ..
طبعا صابونة الكركم تجفف البشره و بالتالي لازم كريم مرطب ..
و انا انصح و بشده كريم بانثينول ..
او ممكن انك تاخذين عصير الطماطم ..
تحطينه على الحبه قبل النوم لمدة 10 دقايق ..
بإستخدام اعواد الاذان ..
او ممكن تحطينه كماسك لكامل لبشرتك .. لمدة 10 – 15 دقيقه ..
فالطماطم غنيه بالفيتامينات ..
لكني افضّل انك تستخدمين صابونة الكركم مع كريم بانثينول ..
فالنتيجه مذهله ..
و احب مره او مرتين فالاسبوع احط ماسك مره حلووو و خفيييف ..
ولو تحطينه يوميا مافي مشاكل ..
عباره عن اشياء بسيطه ..
– ربع ملعقة نشا
– ربع ملعقة حليب بودره
– نص ملعقة موية ورد
ملاحظه/ الكميه بالصوره اكثر .. لانها لأكثر من شخص
هنا حطيت الحليب ..
و اضفت عليه النشا ..
خلطتهم مع بعض ..
— يــتــبــع —
و اضفت ماء الورد ..
ثم اخذت فرشاة الوان مائيه قديمه .. نظفتها و عقمتها ..
و خليتها لماسكات الوجه ..
طريقة الاستعمال:
خليه على بشرتك من 10 الى 15 دقيقه ..
راح يصير شكله كذا ..
مشدووود مره و ماتقدرين تضحكين هههههههههه ..
خذي باطراف اصابعك ماء و افركي وجهك بحركات دائريه ..
مو لازم تروح الخلطه اهم شي تفركين وجهك كله ..
بعدين اغسليها بأي صابونه تحبينها ..
بعد الماسك ممكن تحطين كريم مرطب او حطي ..
بخاخ ماء الورد ..
حطي في علبه بخاخ .. نص ماء صحه و النص الثاني ماء الورد المحمدي ..
نصيحه/ للي بشراتهم دهنيه .. انا افضل انكم ما تستخدمون موية الورد هذي ..
لانها مركزه .. و بالنسبه لي صارت تطلعلي منها حبوب بيضا فالانف انفقعت
و بقت اثر ماراح الا بعد 8 شهور تقريبا بعد الكريمات و التقشير ..
اللي ناسبتني هي ماء الورد المحمدي .. سعرها بريالين ونص في السوبرماركت ..
و ايضا انا استخدم كريم منظف من كلين اند كلير ..
مره مره راااااائع .. ينظف البشره و يشيل الرؤوس السوده ..
لي شهرين تركته ولا رجعت لي الرؤوس السوده ..
انا استخدمه فقط مع الشاور .. بإمكانك استخدامه يوميا .. عادي ..
البشره الجافه ..
طبعا البشره الجافه اول شي و الافضل لها انها تبتعد عن الصابون ..
و تستخدم الغسول .. فيه غسولات كثيره للبشره الجافه ..
واللي عجب اختي هي .. منتجات كلين اند كلير و نيتروجينا ..
وعندهم كثييييييييييييير غسولات ..
بالنسبه للماسك .. اللي ذكرته قبل ..
ماسك النشا و الحليب و موية الورد ..
هذا راااااااااائع للبشره الجافه ..
لدرجة ان اختي ماصارت تحط مرطب لبشرتها ..
و لما راحت المدرسه اليوم الثاني
استاذتها قالت ايش مسويه فوجهك ؟؟ ..
و صديقاتها صاروا يطلبون منها الماسك ..
و بالنسبه للكريم .. طبعا كريم بانثينول .. ذكرته فوق ..
بس اذا حسيتي بجفاف او قشور ممكن تحطينه مرتين فاليوم ..
حتى لو اكثر مافي مشاكل ..
و اذا ماعندك مشاكل زي حبوب او اثار ..
و تبين بس ترطيب للبشره ..
حطي هذي اللوشن مرره حلو ..
عباره عن ..
– ملعقتين جليسوليد ..
– 4 ملاعق بيبي اويل ..
لين يصير زي اللوشن و رطبي فيه بشرتك ..
ممكن على راحتك تزيديك البيبي اويل ..
ولو عندك مشاكل الحبوب .. استخدمي هذا الماسك ..
– حبة طماطم
– ملعقة زيت زيتون ..
حطيه كماسك للبشره .. يرطبها و يشيل الحبوب للبشره الجافه ..
— يــتــبــع —
و طبعا خلال اليوم حطي بخاخ ماء الورد المحمدي ..
—
سويت لكم جدولين ..
واحد للبشره العاديه و الدهنيه و المختلطه ..
و الثاني للبشره الجافه ..
اللي حابه تتقيد فيهم .. او تستبدل شي براحتكم ..
لكن بإذن الله اللي بتثبت على هالجدول و النصايح اللي قلت عليها فوق ..
بإذن الله خلال اسبوعين راح تلاقين نتايج ملحوظه و حلوه ..
و توكلي على الله ثم على نصايحي ..
جدول البشره العاديه و الدهنيه و المختلطه ..
جدول البشره الجافه ..
اقصد بكلمة غير محدود ..
يعني تقدرين تستخدمينه اكثر من 5 مرات باليوم ..
عاادي على رااحتك ..
————–
ان شاء الله ما طولت عليكم ولا كثرت كلام ..
حبيت اني افيدكم وما اطلب منكم الا ياااارب يتحقق اللي في بااالي و يجمعني معه ..
منقووووووول
الله يسعدك دوووووووووم مشكوره غلاتي
الله يوفق الي كاتبته والي ناقلته وانا بحاجته ربي يسعدكم
