السفيداب مفيد جدا في إزالة الخلايا الميتة ويعطي نضارة للبشرة على تورد …
(( ط¨ظˆط¯ط±ط© ط§ظ„ط³ظپظٹط¯ط§ط¨ )) ..
ممكن تستعملين بودرة السفيداب كمقشر للوجه أو أي منطقة بالجسم حتى المنطقة الحساسة لكن إنتبهوا خارجيا ..(( يعني إحترسي أن يدخل أي شىء للداخل كالبودرة أو أي مادة أخرى )) .. يعني تفركينها جيدا ومع الإستمرار راح يفتح لك المكان …
تبللين المنطقة بالماء وتأخذين البودرة وتفركين بها الوجه أو الجزء المراد تقشيره سوف تلاحظين نعومة ونضارة ومع الوقت يعمل على تفتيح البشرة .. أو ممكن تنقعينه بماء الورد ثم تفركين به …
أثناء إزالة الشعر …
حين تريدين إزالة شعر الجسم خذي بودرة السفيداب ووزعيها على المنطقة سواء الوجه أو المنطقة الحساسة أو الإبط أو الجسم … ثم قومي بإزالة الشعر (( بديل للبودرة العادية )) .. يساعد على سهولة نزع الشعر بالإضافة بأنه مع الوقت يبيض تلك الأماكن …
والله يعطيكم العافية …
هي مادة او حجر ،، يستخدمونها بنات ايران ،، العراق والشام لتبييض جميع مناطق الجسم و الوجه
كثر الحديث عن كونها مصنوعه من البيض او قشوره …
لكن من خلال سؤالي لـ
الكثير من بنات العراق اللي يستخدمونه ،، قالوا انه حجر يستخرج من الجبال ،، وفي العراق يستخرج من الجبال الموجوده في الشمال
له عدة اسماء :: سفيدآب ،، سبيداج ،، سبداج ،، سفيداج ،، حجر الباروق
و في منه المطحون ،، و في الحجر
ينصح دائماً بشراء الحجر و طحنه في المنزل ،، لأحتمال ان البائع ممكن يغشك ويخلطه مع بودره او اي شيء ،، طحنه سهل براحة اليد او بالهاون
بصراحه انا جربت الحجر من ايران وهذا شكله
.jpg)
تلاحظون لونه مائل للبيج و الأحجار مو متشابه في الشكل
لكن اللي جاني من العراق كان لونه ابيض مثل الطباشير وحجم الحجر اصغر ،، وكل الاحجار متاسويه في الحجم والشكل لكنها اخشن من النوع الايراني
لكن الاهم ان كلها نفس الطريقه وبأذن الله نفس النتيجه
و عندي لكم خبر جديد
ان في العراق حجر سفيداب وردي ،، و فائدته ان يعطي البشره لون وردي حلو ،، ما جربته لكني وصيت عليه
وفي للسفيدآب صابون ،، يستخدم للتبييض
بصراحه انا ماستخدمته ،، لكن البنات يمدحونه واللي مجربته لا تبخل علينا بنتائج تجربتها
و هذه صورته
عني انا اتبع طريقتين وحده للجسم والأخرى للوجه
اذكرها لكم بأيجاز ،، وبلمساتي الخاصه
تجلسين في البانيو وتحطين الزيوت وكل اللي تحبينه ونصيحه مني ارمي قالب صابون طبيعي في
البانيو
غار
كركم
طاووس
او اللي تحبينه
هذا الطريقه راح تخلي الصابونه تلين جسمك
بعدها جيبي ليفه خشنه مع الصابونه وافركي كل جسمك ،، اشطفي بسرعه و بعدها امسكي منطقه منطقه بالحجر يعني لما يصير الحجر مثل الطبشور على جسمك وافركي بالليفه المغربيه او الخشنه لما يطلع لك مثل الخيوط البيضاء ،، واذا ما طلع ارجعي افركي بالحجر
بعدها اغسلي جسمك بالشاور جل ،، طبعاً تكونين غاسله شعرك من قبل
وكملي حمامك عادي
الطريقه الثانيه للوجه انا كنت استخدم الحجر بدون طحنه ،، لكن بعد طحنه حسيت الاستخدام اسهل و افضل
هذا شكله بعد ما طحنته
تاخذين الكميه اللي تحتاجينها و تخلطينها مع عصير ليمون وهو يساعد على التبييض ،، اما لو بشرتك تتحسس منه اخلطي مع ماء ورد
ومديه على وجهك ،، او اي منطقه غامقه عندك في جسمك
بس انا ما استخدمها قبل النوم
احطها واخليها تنشف ،، على فكره هي تنشف بسرعه ،، وافرك بخفه عشان يطيح الزائد
ويصير على الوجه او الجسم مثل البودره البيضاء
اتركيها الوقت اللي تبينه وبعدها امسحي وجهك و اغسليه
الطريقه الأولى استخدميها متى ما تبين
اما الطريقه الثانيه فهي سهله جداً تقدرين تستخدمينها يومياً للوجه او الجسم
كم معلومه على الطاير
السفيدآب مع الاستمرار يخفف ظهور الشعر في الجسم
كذلك يفضل استخدام البودره قبل حف الوجه،، يقولون الحف يصير اسهل والنتيجه افضل
اما عن اماكن تواجده تلقونه عند العطارين :: الحواج::
حبيت اقول لبنات الرياض ،، ان كثير من البنات اسئلوا عنه وما لقوه
اما بنات قطر تلقونه في العطار في السوق القديم : سوق واقف ،، خلف سوق آل احمد اكيد تعرفونه
في شارع حمد الكبير ،، اللي يسمونه شارع البنوك ،، بالعربي الشارع اللي يودي لسوق الجبر والديره
اما عن سعره فأعتقد بـ 10 ريالات او 20 كميه مناسبه وتكفيك فتره مناسبه
ممتازه لكنها متعبه وصعب الاستمرار عليها
يعني لو شطوره تقدرين عليها مره بالأسبوع
وتستخدمين فيها الحجر بدون طحنه
الطريقة كالتالي:
—————–
الاشياء المطلوبه
قرص من اقراص السفيداب
كيس للتدليك >>>>> اي بنطلون جينز ما تحتاجي قصي منه وخيطي على شكل مستطيل وبقي طرف منه مفتوح لادخال اليد فيه
واليكم الطريقه الصحيحه 100%
اول ما تدخلي الحمام وانتو بكرامه , افتحي الدوش الحار واغسلي شعركم وانتي تحت الدوش عشان جسمك يصير طري او بالاحرى عشان الجسم يتنقع
يعني اقل شي لازم تطولين مع شعرك في الغسل اكثر من 15 دقيقه
كملتي غسل الشعر اخرجي من تحت الدوش وبقي الدوش مفتوح عشان يبقى بخار الماي الحار مستمر
هاتي كيس الجينز وهو ناشف ودخلي ايدك فيه وبايدك الثانيه امسكي قرص السفيداب مثل الصابون وافركي فيه الكيس بعدين افركي اول شي الرقبه بخفه شديده عشان ما تخدشي الجلد
بعدين مره ثانيه افركي القرص على الكيس ودلكي بقية اجزاء الجسم بحركات عموديه يعني دلكي الايد من فوق الى تحت وبالعكس وهكذا مع الساقين
ركزي كثير على الارداف ودلكيهم بحركه دائريه وبخفه لان هذي المنطقه تكون خشنه اكثر من باقي الجسم بسبب كثرة الجلوس
والركب والمرفقين ركزي عليهم ايضا >>>>> لان خشنين وسمر والجلد يكون قاسي
راح تشوفين خيوط من الجلد الميت والدهون والسواد , بعد ما تكملين جسمك تركي الكيس وخذي قرص السفيداب لوحده ودلكي بخفه وجهك مع التركيز على منطقة الشنب وجانبي الوجه القريبه من الاذن >>>>> لان مع الاستمرار بعد فتره تشوفين الشعر في هذي المناطق يختفي خاصتا الشعر الناعم
من تشوفين صارت تحت اصابعك خيوط , قومي بتدليك وجهك وفركه باطراف اصابعك , مدة دقيقتين او ثلاثه
كملتي كل شي دخلي تحت الدوش واخذي حمامك عادي باي صابون متعوده عليه عشان تنظفين جسمك من خيوط الجلد الميت >>>>>> يفضل صابون الغار لان ما فيه ريحه ومفيد جدا خاصتا للمكان الحساس
اشطفي جسمك من الصابون بالماي ادافئ
اخر شي افتحي الدوش على الماي البارد و اشطفي جسمك لغلق المسامات وتنشيط الدوره الدمويه للجسم وشده
نشفي جسمك ورشي ماي ورد على كل جسمك >>> ونعيما
تسوين هذي العمليه في الاسبوع مره مثلا كل يوم جمعه
بعد شهرين تشوفين نتائج مذهله
اول شي بياض غير متوقع
ثاني شي نعومه وطراوه
————-
يا بناات كأنه سحر ,,, واختي وامي ماصدقوا البياض والنعووومة
والله يا بناات مابقى شي من سماار في ركبتي وانا ما استخدمته الا اسبووووووع بس
إلي هو الليمون+ السفيد اب
شوفوا يالغالياااات اول شي تروحون العطار وتاخذون اقراص السفيد اب مووو المطحوون اوكيه؟!!
وفي البيت تطحنونه وتخلونه عندكم بعلبة
وقبل النوم تجيبون ليمونه "ياريت لو صغيره عشان ماتنقط النعمة في الزبالة"
وتفركين بيها المنطقة المراد تفتيحهااا
وبعدين اتجيبين يا طويلة العمر السفيدآب "المطحووون" وتحطينه على المنطقة وتفركينه بس مو بالقوو
بعدين بتلاحظين طبقة مايله للبيج وبس
لاتغسلينها .. صبري الين ماتجف وبعدين كملي حياتج عااادي:-) ونااامي
والصبح غسليه وياريت اتحطينه مرتين ترى بس ينشف ماراح يمللج
ملاحظه: لو بشرتج حساسه وماتستحمل الليمون حطي بداله مـــــاي ورد
اناااسمعت اني احطه مع الزبادي والليمون كقناع للوجه وسمعته من وحده ايرانيه00,وخواتي اللي من الرياض موجود تراه بعطار الكويت بنسيم00ومشكوره اختي رعش ونتتظر المزيد00
بصررراحه اول مرره اسمع بودره السفيداب
فين ينبااااع و كم سعره
يسلمووو
ينباع عند العطارين اختي عيون وتحصلينه العلبه ب 30 ريال انااا مالقيت الامطحون مالقيت حجر00وبالنسبه لبنات الرياض يحصلونه ببعطار الكويت00
مشكورة على المعلومات القيمة والمفيدة
وبوركتي
ملاحضة لأخواتي من مملكة البحرين يحصلونة عند محلات العطارة وبسعر رمزي ب500فلس
مشكورة يا رعش قلبي هذا الي تكولين عليه احنه بالعراق نسميه سبيداج وانا من كردستان العراق نسميه سبياو وهو يصنع من قشر البيض تضعيه في الماء لمدة اربعين يوم ثم تنشفيه وتطحنيه تحصلين عليه بهذه الطريقة حسب معلوماتي وهو احسن من كل المستحضرات المصنوعة من المواد الكيمياوية لانة طبيعي
