قصة ظˆظ„ط§ط¯طھظٹ ط¨ط§ظ„طھظپطµظٹظ„ + بعض ط§ظ„ظ†طµط§ظٹط ظٹط§ط¨ظƒط±ظٹط§طھ ، قصة ولادتي بالتفصيل + بعض النصايح يابكريات
<div><font color="Magenta"><font size="6"><font face="Comic Sans MS">السلام عليكم ورحمة الله وبركاته
كيف حال الكروشآت.. الحمدلله انا ارتحت من الكرشه يوم الخميس قبل موعد ولادتي باسبوعين وكمن يوم لله الحمد والمنه
ولـــدي ( عمووووووري )
راح احكي لكم قصتي بالتفصيل وراح ادرج نصااايح مهم للبكريات عشان لايسووون غلطتي
انا بكريه وفي بداية التاسع قالوا لي لازم تمشي ..طبعآ مامشيت الا يمكن 3 مرات وبعد كذا حلفت علي رجولي مع
حوضي ماعاد امشي ابد يالله يالله اتحرك .. وكنت خايفه ان الجنين مايقلب وشااايله هم ان راسه ماينزل بالحوض
وااعاني بالولاده، رحت شريت اشياء من العطار ووقبل لا اطلع نصحني اخذ جوزه الطيب وزيت الزيتون قل له ليش ؟
قالي راح تساعد الجنين يقلب وينزل راسه بالحوض هو الحين وضعه مايل .. يوم قال مايل صدقته لاني حسيته انه بالعرض
قلت اخذها واتوكل ع الله .وقالي خذيكف مريم وساق الحمام مكمله له قلت وذا وش فايدته ؟ قالي راح يساعد في فتح الرحم
لان الجوزة تجيب الطلق فذا مكمل له قلت له بعدين اخذها وكل يوم ابي اشتريها انسى .. لاني ماصرت اقدر اخرج
ويوم ارسل احد انسى بعد …واستخدمت زيت الزيتون والجوزه .. اول مااحطها كنت احس البيبي يتحرك احس بشي غريب
حتى الم غير استخدمتها يومين بس وكسلت … قطعت عنها يمكن 3 وفي اليوم الثالث كان يوم الثلاثاء الصباح تحجر البيبي
على وضعيه وحده ولا تحرك نمت وصحيت ع الظهر ولقيته ع نفس الوضعيه ومتحجررر مررره ونفس وضعيته ماتغير
صابني قلق..قمت ااذي فيه اخبط ببطني اسوي الحركات اللي تخليه دايم يتحرك بس هو بمكانه ولا حركه
صحيت زوجي وخليته ينط بي ع المشفى .رحت شفت نبضات الجنين طلعت كويسه ارسلوني التخطيط عشان اتطمن ع حركة الجنين شفت مالي خلق لطعه نص ساعه
ع التخطيط قلت دامني سمعت نبضه الحمدللله وطلعت ماكملت … ماجا المغرب الا بدا يخبطخبطات خفيفه احس فيها
واشوف بطني تتحرك حمدت ربي انه بخير …وعرفت من وحده بالمنتدى جزاها الله كل خير ان هالتحجير الثابت
ان دكتورها قال لها انو طلق وارتحت بعدها … وفي صباح الاربعا يوم صحيت شي قالي قومي حطي من الزيت
واقوم وانط واحط من زيت الجوزه.. وع الظهر الا احس بمغوص تروح وتجي كل خمس دقايق تقريبا او اقل
طنشت مالقيت لها بال … دخلت الحمام وانتوا بكرامه .. حسيت في شي داخل رحمي ودخلت منديل ولقيت فيه
زي االافرازات بيضه ومخلوطه بدم بني …طبعآ قلبي وقف اول مره اشوف دم من يوم حملت تصلبت مكاني
وصرت انادي ع امي وجاتني مفجوعهقالت وشبك .. قلت شوفي !!! قالت لا تكوني ولاده !! وانفجعت
قلت اهون علي واهون عليها لالا ياشيخه لساع بدري بقوم اعبي البانيو واتنقع بماي حار .. قالت لا تسوينها
قلت الا حوضي مررره يعورني مو قادره اتحرك .. وتنقيعة المويه الحاره بملح خشن كانت تريييحني كثير
وتخليني ع الاقل اتنقل في البيت …وبعد ماعبيته ودخلت فيه الا واحس الالم والمغص في المويه استغربت
الا انفجعت وعرفت انه طلق حقيقي لانه هو الوحيد اللي تحسين في المه تحت الماي .. ارسلت رساله لزوجي
قلت له شكلي بولد هاليومين .. هو ماحطها بباله وارسل لي يمزح اعرف رقم الاسعاف.. الخ رساله مزح كانت خفيفه
ع قلبي وهونت علي ..يوم طلعت من دورة المياه الا واحس بظهري وبطني كان علي دوره بايامها الاولى
ومغص فيهم يروح ويجي جلست قلت بطنش ودخلت تجمع الحوامل ولقيت وحده من البنات الله يسهل عليها ياااارب ولادتها
ويقومها لنا بالسلامه ( تحتاج دعواتكم ادعوا لها هي بولاده) وقلت لها وانا طاقتني ام الركب من الخوف قالت لي وجالسه للحين !!!
روحي بسرعه للمشفى يمكن ولاده قلت لها اوك وقمت وانا كاني بعالم ثاني كانه خيال .. دقيت ع زوجي قالي
اوك جاي بالطريق ..واول ماجا ودخلت الطواري وكانت معي اختي ودخلوني وكشفوا علي من تحت .. قالت لي الدكتوره
اربعه سانتي ..روحي سوي تخطيط وبعدين اطلعك على فوق للكشك.قلت لها وايش اسوي فوق ؟ قالت تولدي ولا ماتبغي تولدي
يوم قالت لي هالسطر وانا تمسكني الصيح ..قسم يابنات احسااااس غيررررررررررررررررر.. خلاااااص الوضع جد
خلااااااص ماادري وش ينتظرني فوووووق…. وصرت ابكي لا شعوري اختي دخلت قلت لها شفتي وش قالوا
قالت وهي بنفس صدمتي ايه سمعت وزدت ابكي … دقيت ع زوجي اطمنه وقالي ها وش قالولك وهو ماكان متوقع اني اولد
لو 1% قلت له ولاده .. حسيته ارتبش قالي بروح اجيب لك امك .. قلت له اوك …دخلت ع التخطيط
وبعدها طلعوني ع فوووق في غرف الملاحظه ركبو لي المغذي وكان وقتها الساعه 4 تقريبآ العصر ..والطلق صار
يروح ويجي وكل ماله يزيد وبعدها بساعتين عطوني الشرنقه ( الابره الشرجيه )وانا ميته من الام الطلق
ويوم عطتني هي ماطولت من هبالتي صراحه وهذي اول غلطاتي اول ماحسيت انه فيه شي نطيت ماصبرت
ورحت ونزلت الشرنجه بس لحاااااله وانتوا بكرامه …ورجعت وتسالني النيرس ها كيف بطن نظيف؟
قلت لها لا والله ماطلعت غير مويه الابره بس .. ورجعت سدحتني ع السرير جات الدكتوره بعدها وقاست لقته 6 سانتي
تقريبآ ع الساعه 7 مغرب ودخلت يدها ازود وقمت اصيح وفقعت لي كيس المويه … وحسيت بشي غرررقني تحت
وبدت الطلووووق يزيد المها وماااقدرت اصبر عليهاااا صار الطلق حاااار مووووووت ومستمر ان هدا ثوووواني بس
حتى الدقيقه مايكملها …وكل ساعتين يكشفون او ثلاث ويكون فتح ساتني صرت اعد الدقايق والساعات والساعه بوجهي
اعد كل ثانيه فيها وصرت احسبها ياربي كل ثلاث ساعات سانتي يعني بولد ع الفجر يعني بجلس بهالالم كمان كل هالوقت
مقدر اتحمل خلاااص احس روحي بتطلع …وبعدها تعوذت من ابليس وصرت ادعي احاول اشغل نفسي بااي شي
صرت اتذكر خلق ربي وادعي لكل احد يجي ع بالي وع الساعه 12 اشتدت الطلق لدرجه صرت اصرخ وصار صوتي
يخبط في المشفى كلها الطلق قتلني ماايوقف ثانيه مستمر مستمر … تعبت انهد حيلي .. صرت اقول لهم كل شوي ابي اروح الحمام
تقولي الممرضه لالا مافي من بعد مافقعوا لي المويه قالت خلاص راس جنين تحت ماينفع روح حمام قلت لها وش اسوي طيب
وصرت وانتوا بكرامه اتبول واتبرز لا شعوري _ لاني بطني مانظف وطلعت الشرنجه بدري ) وصارت تقولي
خلاص سويها انتي وانا اغيرك مافيه مشكله … والبول فضل مستمر معي ينزل كانه مويات من فتره لفتره
وتجي وتغير الفرشات اللي تحتي وعلى هالحال حوووووسه كرهت نفسي قالت اركب قصطره بول قلت لها حرام عليك
يكفي الامي ناقصه الم القصطره بعد واصيح وماني معها جات وركبتها ورجعت شالتها اتوقع او حاولت وماقدرت
المهم بالاخير اكتشفت انها ماركبتها يوم حسيت بـ البلل من تحتي …وجلست على هالحال الين الساعه 3 الا تقريبآ
ووقتها قالوا وصلتي 9 سانتي الحمدلله قلت لهم يوووه باقي يعني 3 ساعات الين اوصل 10 الله يسعدكم الحقوني
وجات دكتوره ووقت جيتها مسكتني تقلصات بكتم صرخاتي بكتم اهاتي بس هيهات هيهات مافيه امل وصحت بصوتي كله وحسيت بالراحه
قالت لي الدكتوره من طرف خشمها حسبي الله عليها اخلاااق مااش اولا مانتي بالغرفه لحالك وثانيآ انتي حره الصريخ ذا راح
يعسر ولادتك وتطلع وهي تناظر بطرف عين … الود ودي اقوم اخنقها بس مافيني حيل خخخخ
بعدها بشويات ويجي الدكتور وشاف الالمي ونجدتي خلاااااص ماعاد بي حيل دخل يده قال لسه 9 شووي جلست ابكي ترجي
خلاص شووفوا لي صرفه .. رجع دخل يده مره ثانيه اكثر من اللي قبلها شفت فيها الموت وسحبت يده لا شعوري
وخرني ورجع دخلها اخس من المره الاولى وصحت فيها ماقدر اتحمل وقال يلا خلاص صار عشره طلعوها لكشك
الولاده.. بيني وبينكم انقهرت انه دكتور وثاني شي اللي ولدني دكتور سعودي وولد صغير 🙁
بس حزتها حتى الحيا تفصخينه تبين تفتكيييييين خلااااص .. سبحان الله تذكرت وقتها يوم اقول مستحيل اخلي دكتور
يولدني لو روحي بتطلع .. وشف ربك لاني قلت مستحيل .. المهم اول ماطلعت ع الكشك حطوني ع السرير
وانا خلاااص فيني الام بالشرج بعد من قوة الطلوق واحس في شي بيطلع وكانت دكتوره زي العسل معه سعوديه
قلت لها الله يخليكي بدخل الحمام قالت لاااا ياماما ماينفع راس البيبي خلاااص قلت لها مقدر مقدر قالت معليش
وسدحوني ع سرير الولاده جلست تمسح وتطهر الين ماجا هالدكتور .. وجلس يقولي اول ماحسي بالم ادفعي
قل له الالم مستمر متى ادفع بالضبط قال دام فيه الم ادفعي وجلست ادفع واهدى ادفع واهدى
وتذكرت مقوله لا اختي الله يوفقها ويستر عليها كلمه قالتها ( قالت وقت الولاده هو تعبت تعب فكنت اخليها تعب مره وحده
واشد ع نفسي شده وحده واطلع النونو )
ووسويت بنصيحتها شديت وريحت وكنت اطلع الصوت من في قالي الدكتور لا تطلعي الصوت من فمك شديه ع تحت
وصرت اكتم الصوت واخليه طاقة دفع وفي اخر دفعه قلت باذن الله راح اخرجه الحين ودفعت دفعه قويه الين حسيت الراس خلاص
بيطلع قمت ريحت وانا دافعه ثواين بس وقمت كملت الدفع وطلع النونو بغمضت عين والحمدلله
الحمدلله ماخذيت بالولاده حى 10 دقايق وكانت الولاده حلوووووه وماتخوف مثل الطلق هو اللي يقل فيها
وبعدها جلس يخيط فيني واحس بالخياطه واصيح وجلس يقولي معليش معليش قلت له اي معلليش الخياطه العن من الولاده نفسها
قالي معليش هالمنقطه حساسه مايمسك فيها البنج
الحمد لله على سلامتك اختي
الحمد لله على سلامتك يا قمر يتربى بعزك
الحمد لله علي سلامتك
الف الحمد لله على السلامه من جد الولاده تعب بس والله حلوه انا بصراحه ولادتي بولدي كااااانت مرررررا حلوه وهاديه موهاديه مافيه طلق لا فيها كل انواع الام بس ماطولت مرررررررا يعني بدا الطلق الطلق 3ونص العصر تقريبا وعلى اذان العشا ولدت ماشا الله تمر السنين سار عمرو 3سنين ونص ودحين حامل في التاني ومتعبني
نزيف وشغله
الحمدلله على السلامه…
الحمدالله على سلامتك وسلامه النونو
حمدا لله على سلامتك
